Download Ciiraniro Mp3 by Sammy Irungu
A soul-lifting song from the African Christian/Gospel worshipper, minister, and song writer “Sammy Irungu“, as he calls this song “Ciiraniro”. This song is sure to bless your heart and uplift your spirit.
Download Audio Mp3, Stream, Share, and be blessed
DOWNLOAD MORE SAMMY IRUNGU SONGS HERE
Lyrics: Ciiraniro by Sammy Irungu
Wĩhokeku waku ũtũũraga wĩ mũrũmu-ĩ
Gũkĩra irĩma ti itherũ ndwenyenyekaga
Waragia kiugo ũgacooka ũkarũmĩrĩra-ĩ
Gũkuhingia wee ndũrĩ Ngai wa ngariũko
Kwĩhokeka gwaku nĩ ĩĩ na amina-ĩ
Wĩ mwĩhokeku tene na tene ameni
Ririkana wĩhokeku waku mwathani-ĩ
Na wega waku ũrĩa ũtangĩmenyeka ũrĩa ũtariĩ
Ĩtĩkĩra tu ũtũhingĩrie
Ciĩranĩro ciaku ũtũgirie maithori
Ciĩranĩro irĩ cama rĩrĩa ikwĩranĩrwo-ĩ
No ciahingio ningĩ ikagĩa cama makĩria
Mũndũ mwĩrĩre ũtahingĩirio no ta ũtarĩ-ĩ
Rĩrĩa ahingĩrio agatuĩka mũndũ gũkena
Na maitũ tũrabatara ũũke na ihenya-ĩ
Ũrĩa wathire kwa mũtumia wa ndigwa
Ririkana wĩhokeku waku mwathani-ĩ
Na wega waku ũrĩa ũtangĩmenyeka ũrĩa ũtariĩ
Ĩtĩkĩra tu ũtũhingĩrie
Ciĩranĩro ciaku ũtũgirie maithori
Wee nĩwe watũĩrĩire atĩ tũrĩ arathime-ĩ
Rĩrĩa tũkuma o na kana tũkĩhũndũka
Inandũ citũ citigathira maguta-ĩ
O na kana ibaba citũ igĩthire mũtu
Woigire tũrĩkenagia na indo iria njega-ĩ
Wĩ mwĩhokeku tũhingĩrie ciĩranĩro
Ririkana wĩhokeku waku mwathani-ĩ
Na wega waku ũrĩa ũtangĩmenyeka ũrĩa ũtariĩ
Ĩtĩkĩra tu ũtũhingĩrie
Ciĩranĩro ciaku ũtũgirie maithori
Ũtũcenjerie irumi iria twanarumwo-ĩ
Ũcigarũranie ũcitue irathimo
Huho cia ngoma hĩndĩ ĩrĩa ikũhurutana-ĩ
Ũcihorerie mũhoreria wa makũmbĩ
Ũtume tunua twa andũ arĩa matũgekaga-ĩ
Ciugo iria manaria ũrociagithia hinya
Ririkana wĩhokeku waku mwathani-ĩ
Na wega waku ũrĩa ũtangĩmenyeka ũrĩa ũtariĩ
Ĩtĩkĩra tu ũtũhingĩrie
Ciĩranĩro ciaku ũtũgirie maithori
Ruthu nĩ athĩnĩkire kahinda karaya-ĩ
Akĩmaathĩra nyaciarawe Naomi
E kwa Boazu ũkĩmũtemera njĩra-ĩ
Ũgĩtũma atuĩke mwene mũgũnda
Tũtemere njĩra ya kĩrathimo-ĩ
Unithĩrie mbura ya irathimo gwitũ
Ririkana wĩhokeku waku mwathani-ĩ
Na wega waku ũrĩa ũtangĩmenyeka ũrĩa ũtariĩ
Ĩtĩkĩra tu ũtũhingĩrie
Ciĩranĩro ciaku ũtũgirie maithori
Ririkana wĩhokeku waku mwathani-ĩ
Na wega waku ũrĩa ũtangĩmenyeka ũrĩa ũtariĩ
Ĩtĩkĩra tu ũtũhingĩrie
Ciĩranĩro ciaku ũtũgirie maithori